А Қ Ж О Л туралы сайт
Ескерту: Бұл Ақ жолдың "Ақ жол" партиясына ешбір қатысы жоқ!
ҚАЗАҚСТАН - Жер бетінде туып келе жатқан жаңа рухани өркениеттің бесігі. ХХІ ғасырдың басында қазақ даласы күллі адамзатты таңғалдырып дүниежүзіне үлгі болады. (В.А.Запредельный, 1996-жыл)
Армысың, ардақты оқырманым! Өткен ғасырда Алматыда өмір сүрген танымал ғалым-эзотерист Запредельныйдің бұл болжамы шындық екенін білесің бе? Егер білмесең мына "Ақ жол"-ды оқы. Себебі бұл кітапта халқымыздың күллі адамзатты қалай таңғалдыратыны бүге шігесіне дейін анық-қанық баяндалған. Жалпы алғанда бұл кітап уақыт талабына сай жазылған және әлем халқына, бірінші кезекте өз халқымызға адаспайтын Ақ жол көрсетіп берген теңдессіз туынды. Сондықтан арнайы сайт ашып кітапты халық пен биліктің және әлем ғалымдарының назарына ұсынып отырмын. Оқыңдар, бағалаңдар және қолдаңдар!
* Ес: Кітап Google Dosk қолданбасы арқылы қойылған.
...Жо-оқ, имандай сырым! Тәңірім бойына осыншама қабілет дарытқан халықтың өркениетке жат болып қалуы мүмкін емес. Оның рухы қазақ даласында күндей көтеріліп жарқырап сәуле шашатын болады! (Адольф Янушкевич, 1832-жыл)
Оқырмандар Ақ жол туралы ой пікірін кітаптың соңына немесе осында, тіпті басқа да әлемжелілерге жазуға болады. Пікірдің заң аясында және мәдениетті түрде болуы қажет.
ҚОЛДАУ! ҚОЛДАУ! ҚОЛДАУ!
* Ең басты мәселе Ақ жолды қолдау. Себебі күллі адамзаттың болашақ тағдыры дәл осы қолдауға тәуелді. "Халық қаласа хан түйесін сояды" дегендей егер халық қолдаса Ақ жол сөзсіз жүзеге асады. Нәтижесінде бақытты нұрлы болашақ айқара есік ашады. Ал қолдамаса, кітапта анық ескерткенімдей салдары тым ауыр болады. Ақ жолды қолдау әсіресе біздің халқымыз үшін аса маңызды. Өйткені Ақ жол жүзеге асса, бірінші кезекте халқымыздың сан ғасырлық сансыз асыл арманы орындалып, алтын таңы арайлап атып Алтын ғасыры туады. Біз үшін одан асқан бақыт та жоқ. Олай болса, алтыннан ардақты оқырманым, аяулы халқым, тұтас ел болып, жұдырықтай жұмылып Ақ жолды қолдайық. Бұл игі шарадан тек қарапайым адамдардың ғана емес қолында билігі бар барша мемлекеттік қызметкердің, әсіресе құрметті Парламент мүшелері мен аса мәртебелі Президентіміз Қ.Тоқаевтың да қалыс қалмай Ақ жолды қолдағаны абзал. Жалпы Ақ жолды қолдау арқылы Алтын дәуірдің орнауына титтей болса да үлес ақ ниетті әрбір адамның азаматтық міндеті деп білемін.
ҚҰЛАҚҚАҒЫС
1. Ақ жол - мемлекеттік жауапты қызметкерлер мен арнайы институттарға арналған күрделі ғылыми еңбек. Оны қарапайым адамдардың түсінуі қиын, оқуы да шарт емес. Алайда барлық адам кітапты оқымаса да Алтын дәуірдің игілігін көру және Алтын ғасыр орнату ісіне үлес қосу мақсатымен осынау киелі Ақ жолды қолдауға, тіпті оның жедел жүзеге асуы үшін белсене күресуге толық құқылы.
2. Статистика ұашанда маңызды. Сондықтан Ақ жолды қолдаймын деген азаматтардың міндетті түрде төмендегі форманы толтырып жібергені абзал.
3. Ақ жол туралы естімей жатқан адамдар өте көп. Соған байланысты бақытты нұрлы болашақ туралы армандайтын барлық адамның жүрген жерінде осы сайт пен кітап туралы жиі айтып өзгелерге Ақ жолды насихаттай жүрсе нұр үстіне нұр болады.
Мен Ақ жолды қолдаймын
Тиісті түймені басу арқылы Ақ жолды қолдайтын азаматтардың түрлі көздерден алынған толық емес тізімімен және жазған пікірімен таныса аласыңдар.
Ақ жолды насихаттауға арналған түрлі шараларға қатысып әділетті қоғамның тезірек орнауына белсене атсалысамын дейтін арманы асқақ азаматтар болса ватсап арқылы хабарласуын өтінемін!
Сайт атауы: akhjol.kz Эл.пошта: kaz.ak.jol@bk.ru Телепон: +77773773616
Кітап әзірше сатылымда жоқ. Болған кезде арнайы хабарлаймын.
Кітапты көшіріп басу немесе басқа тілдерге аудару үшін автордың рұқсаты қажет.
Барлық құқықтар қорғалады және құпиялық саясаты сақталады.